Развојните чекори се важни! Начинот на кој вашето дете си игра, учи, зборува, се однесува и се движи нуди важни знаци за неговиот развој. Проверете ги развојните чекори кои вашето дете ги постигнало до 30 месеци. Споделете ги со педијатарот на секој редовен преглед.
Социоемоционален развој
Си игра покрај другите деца и понекогаш со нив
Ви покажува што умее велејќи „Гледај ме!"
Следи едноставни рутини кога ќе му кажете, на пример помага да ги соберете играчките кога велите „Време е за средување"
Јазик & Комуникација
Кажува околу 50 зборови
Кажува два или повеќе зборови заедно, со еден збор за дејство, на пример „Кучето трча"
Именува предмети во книга кога ќе покажете и прашате „Што е ова?"
Кажува зборови како „јас", „мене" или „ние"
Когнитивен развој
Користи предмети за преправање, на пример ја храни куклата со лего коцка како да е храна
Покажува едноставни вештини за решавање проблеми, на пример се качува на мало столче за да дофати нешто
Следи двочекорни упатства, на пример „Остави ја играчката и затвори ја вратата"
Покажува дека знае барем една боја, на пример покажува кон црвен молив кога ќе прашате „Кој е црвен?"
Моторика & Физички развој
Ги користи рацете за предмети кои треба да се свртат, на пример квака од врата или одвртување капаче
Соблекува некои облеки сам, на пример широки панталони или отворена јакна
Скока со обете нозе од земја
Листа страни во книга, една по една
На 30 месеци, вашето дете е на ред за општ развоен скрининг, препорачан за сите деца. Прашајте го педијатарот за развојниот скрининг за вашето дете или контактирајте го тимот на ЦЕДУЗ за повеќе информации.