Заедно креираме вредности од општествено значење
Во ЦЕДУЗ веруваме дека одржливиот развој и долгорочното влијание се постигнуваат преку стратешки партнерства и одговорна соработка со релевантни чинители од јавниот, приватниот и граѓанскиот сектор. Како организација посветена на поддршка на детскиот развој, образованието и менталното здравје, активно работиме на воспоставување и унапредување на надворешни соработки кои придонесуваат кон подобрување на квалитетот на нашите услуги и проширување на нивната достапност.
Преку спонзорства, донации и заеднички иницијативи, нашите партнери имаат можност директно да учествуваат во креирање на позитивни промени во заедницата. Овие соработки ни овозможуваат да инвестираме во современа опрема, иновативни методи на работа и континуирана едукација на стручниот кадар, со цел обезбедување на висококвалитетна и навремена поддршка за децата и нивните семејства. Истовремено, преку заеднички проекти и програми, придонесуваме кон подигнување на јавната свест за значењето на раната интервенција и сеопфатниот пристап во детскиот развој.
ЦЕДУЗ се стреми кон градење на долгорочни, транспарентни и взаемно корисни партнерства, засновани на заеднички вредности, доверба и јасно дефинирани цели. Ги покануваме сите заинтересирани компании, организации и институции да се приклучат кон нашата мисија и заедно да создадеме одржливи решенија кои ќе обезбедат подобри услови за развој, учење и благосостојба на децата.
